Nach eineren Stund fahrt mit der Faehren von Phi Phi simer d'Puket achon. Aen hoellen meis we ufem Vehmaerit. Me ischt igwisen worden nach Dorf, mer natierlich bin Patong. D'fahrt het en goeti halbstund dueret und mer sin sicher in isem chlinen Resort glandet. Super Zimmer und WC mit Duschi. Also sofort uespacken und an Wyss Tomi anliten. Aer het gseit er wissi wo isers Resort ischt und er chemi is am sibni chon abholen. Ig han am sibni im Hotelbeizli gwartet und schon chunt Tomi mit sim Toeffli angfitzt. Mer hein an ganzi Stund uf's Gaby messen warten bis si vom Kosmetiker ischt chon. Keis Problem fir is zwe, de Ziit zuberbriggen, es git ja Beer. Also no es Toeffli organiseren und ab epis gan aessen und wo ischt es nit besser als ir Bangla Road. Nacheren usgibigen Tafleten simmer no itz Haerz vor Bangla gstochen. Mer sin 
a Tomis Stammbar gangen (Moulin Rouge) und de ghert amenen Ditschen, Willhelm. Z'Gaby und ig sin no churz zumenen Schnider gangen und daem heimer der Ueftrag gaen, dass er z'Chleid anpasst.Mer chemen es den Morn ummi chon reichen. Nachemen mer wider ihr Bar achon sin heimer en Drink oder oh meh zu is gnon. Zemlich spaet simmer its naest gangen und hein am Mittag fir an Strand abgmacht.Am naechten Tag simer due an Strand gfahren und hein der ganz Tag baedelet. Mer heis lustig ghan und hein immer witer bledi sprich gmacht. Am Aben simer zumenen Oestricher gan aessen
und das ischt en absoluten Hammer gsin, (min geheimtipp fuer alle). Mer hein Tomi gseit, dass mer am naechsten Tag o wider an daen Stand chemen aber aes waerdi eppen erst am zwelfi sin, da mer no churz gaen gon schoppen. Am zwei simer am Stand achon und ig bin schon echlin sur gsin, nachdem Tuerg. Nid desto trotz heimer an gmedlichen Namittag ghan und mer hein Baedelet, Witzleni ueber anderi gmacht und hein mitemen Schwed und siren Thai s'lustig ghan. Thomi hed gmeind mer chenden hinaecht es Thai BBQ gan aessen und z'Gaby und Ig sin voller begeisterig gsin (eis umi eppis aessen). Numen nid me zvill aessen am Strand und mer hein is ufenes paar Fricht konsentrert. Nachemnen Apero und aeren kurzen duschi heimer is its Thai BBQ gstirzt. Es hed sovill gaen wimen het chenen aessen. Fleisch, Fisch, Gmes und Fricht fir 100 TB/Person (3.00 Franken). Nachdem das mer d'raenzen gfillt hein hed Gabe gseit si welli gan ligen. ;-)) Also heinschoferen und ab ins Abentiir. 
Zerst heimer no am Gaby sis Chleid messen gan holen und der Inder hed is gseid das es in eppen 5 Minueten da ischt. Da han ig im mit mim Englisch erklaert das es schon gester haetti sellen fertig sin und do heds gstirm agfangen. Ig hannaen all Uestrick wonig han gfunden gseit, uf jeder Landssprach. Nach enbar Minueten ischt da umi einen chon, und daer hed z'chleid bisech ghan. Ig hanim gseit das er mer danzahlig wo mer hein gmacht selli zruggaen und ig im den alls mit der charten zahlen, wes z'Gaby hed abgmacht. Er hed mer erklaert das mer alls Bar messen zahlen und ig han nid lang gfacklet. Han zahlt und im gseit was er firnen Raeuber ischt. Da ischt es losgangen und ebmer sin Handgriflich worden hed Tomi gseit das mer jetz besser gaen.
Tomi und ig sin ufem schnaelsten Weg ins Moulin Rouge und es ischt nid lang gangen han ig mit der ersten gnaglet. En zweiti und aen driti Rundi hed si ono wellen und das hed si uberchon. Si hed mer messen en Drink zahlen und d'Chefi hedsen zaemen gschissen. Tomi hed siner Nagelrundinen verloren und hed en Rundi mesen zahlen. Mer hein die ganzi Nacht gnaglet. Am Schluss hed is de no Chefin iteilt. Am Morgen am dri hani a Tom gseit das fir mi gnoeg ischt und den hani mi ufen Heimwaeg gmacht.Am naechsten Morgen simer in Starbucks en feinen Kaffee gan trinken und spaeter an Strand gfahren. Baedelen, Witzleni und bloede Sprich machen, am Aben zum Oestericher fein gan aessen und ab in die Bangla Road. Mer sin zerst gan Katoyes (Ladyboys) anguggen und dernah ids Moulin Rouge. Z'Gaby het unterwaegs no amene Losverkaeufer es Los abkoeift mit der Endzahl 05, da Thomi is hed zeigt wes geit. Spaeter han ig natirlich ono aes Los messen han und min Endzahl ischt 22 gsin. Also 05 am Gaby und 22 mer. Wils der lescht Aben ischt gsin heimer dernah im Moulin Rouge no eis mit den Ladys uesgibig gfiret. An minere Nagelkollegin heimer so mengen Ladydrink gspendert, bis si z'verlohrenen Gaeld wider dinen het ghaeben. O daer Aben ischt vil z'schnaell verbin gsi und Moren geits den leider schon witer nach Nai Yang.
